Қазақстан Республикасы Қаржы министрлігінің Ішкі мемлекеттік аудит комитетімен аумақтық Ішкі мемлекеттік аудит департаменттерінің (бұдан әрі - ІМАД) мемлекеттік аудит және қаржылық бақылау стандарттарын (бұдан әрі - Стандарттар) және ішкі мемлекеттік аудит және қаржылық бақылау жүргізу қағидаларын (бұдан әрі - Қағидалар) сақтауын бақылауды жүзеге асыру бойынша жұмыс жалғастырылуда.
2025 жыл бойынша екінші деңгейдегі сапа бақылауымен барлығы - 344 ІМАД аудит материалдары қамтылған, оның ішінде 19 (5,5 %) аудит материалы Стандарттарға және Қағидаларға сәйкес келмейді.
Осылайша, талдау Стандарттарға сәйкес келмейтін аудиторлық материалдардың үлесі 2024 жылмен салыстырғанда 0,3 %-ға төмендегенін көрсетті.
Стандарттарға сәйкес келмейтін материалдардың екінші деңгейдегі сапа бақылауы мынадай негіздер бойынша жүзеге асырылды:
- ҚР Қаржы министрлігінің Апелляциялық комиссияның ұсынымдарының негізінде - 11 материал;
- жеке және заңды тұлғалардың, мемлекеттік аудит объектілерінің өтініштері және шағымдарының негізінде - 3 материал;
- ІМАД-і жүргізген аудиторлық іс-шаралардың нәтижелерін талдау (ҚБ/ТБЖ кіші жүйесі арықылы аудит материалдарын жоспарлы іріктеу) негізінде - 5 материал.
Жүргізілген талдау аудит материалдарын Стандарттарға сәйкес келмейді деп танудың негізгі себептері болып келесілер табылатынын көрсетті: анықталған бұзушылықтарды растайтын объективті, маңызды, жеткілікті аудиторлық дәлелдемелердің болмауы; жеке және заңды тұлғалардың өтініштерін жан-жақты, толық және объективті қарауды қамтамасыз етпеу (аудит жүргізуге негіз болған мәселелерді толық қамтымау); ішкі мемлекеттік аудит жүргізу бағдарламасымен бекітілген барлық мәселелердің толық талдауды (қамтуды) қамтамасыз етпеуі; анықталған бұзушылықтарды көрсету кезінде ҚР заңнамасын дұрыс қолданбау; Стандарттар және Қағидалардың талаптарын сақтамай, аудиторлық іс-шараны жүргізу және т.б.).
Стандарттарды және Қағидаларды бұзудың алдын алу және болдырмау мақсатында Комитет тоқсан сайын ІМАД шолу хаттарын жібереді, мерзімді түрде сапаны бақылау аудиторлары Комитеттің аумақтық бөлімшелеріне баруда, бейнеконференциялар өткізуде, тиісті мамандардың тағылымдамадан өтуі ұйымдастырылуда.
Сонымен қатар, мемлекеттік аудиторлардың кәсіби құзыреттілігін арттыру, сондай-ақ мемлекеттік аудит және қаржылық бақылау саласындағы заңнама бойынша білімдерін жетілдіру мақсатында Комитет ІМАД қызметкерлерінің қатысуымен тұрақты негізде техникалық оқыту жүргізеді, онда 2-деңгейдегі сапаны бақылау қорытындыларында көрсетілген кемшіліктер мен ескертулерді алдын алу мақсатында талқыланады.
Осы бағыттағы жұмыстар жалғасын табады.