Қызылорда облысы бойынша Ішкі мемлекеттік аудит департаменті «№219 Ыбырай Алтынсарин атындағы орта мектеп» коммуналдық мемлекеттік мекемесінде қаржылық аудит жүргізді.
Аудиторлық іс-шара барысында мекеменің қаржы-шаруашылық қызметі, бюджеттік заңнама талаптарының сақталуы және мемлекеттік қаражаттың мақсатты пайдаланылуы талданды.
Аудит нәтижесінде жалпы сомасы 307 771,7 мың теңге болатын бұзушылықтар анықталды, оның ішінде 249 964,5 мың теңге — қаржылық бұзушылықтар, 52 807,2 мың теңге — рәсімдік сипаттағы бұзушылықтар.
Департамент анықталған бұзушылықтарды жою және оларға жол берген лауазымды тұлғалардың жауапкершілігін қарау жөнінде мекемеге нұсқама берді. Қазіргі уақытта барлық қаржылық бұзушылықтар толық қалпына келтірілген.
Бұзушылықтарға жол берген тұлғаларға заңнамаға сәйкес тәртіптік шаралар қолданылды.
Департамент мемлекеттік қаражаттың тиімді пайдаланылуын және қаржылық тәртіптің сақталуын бақылауды жалғастырады, сондай-ақ аудит нәтижелерін қаржылық басқаруды жетілдіру және бұзушылықтардың алдын алу үшін пайдаланады.