Қостанай облысы бойынша ішкі мемлекеттік аудит департаменті азамат Х. өтініші негізінде «Амангелді ауданы әкімінің аппараты» ММ-де (бұдан әрі - Мекеме) өтінішінде көрсетілген дәлелдерді ескере отырып, су тасқынмен келтірілген залалды жою шегінде зардап шеккендерге (мал шаруашылығы саласында) бөлінген бюджет қаражатын пайдаланудың негізділігі мәселесі бойынша жоспардан тыс аудиторлық іс-шара өткізді.
Аудиторлық іс-шараның нәтижелері бойынша 9,978 млн теңге сомасында өтелуге жататын қаржылық бұзушылықтар анықталды, атап айтқанда мекеме 9,978 млн мың теңге көлемінде өлген ауыл шаруашылығы жануарлар үшін тұрғындарға негізсіз залалын төледі.
Аудиторлық іс-шара барысында Мекеме қаржылық сипаттағы бұзушылықтарды толық көлемде жойды.
Аудит нәтижелері бойынша Мекеменің атына анықталған бұзушылықтарға жол берген адамдардың жауапкершілігін қарау туралы нұсқама жіберілді.
Мекеменің жауабына сәйкес аудан әкімінің өкімімен аудан әкімінің орынбасары "ескерту" түрінде тәртіптік жауапкершілікке тартылды.
Қостанай облысы бойынша
Iшкi мемлекеттiк аудит департаментi