Қызылорда облысы бойынша ішкі мемлекеттік аудит департаментімен 2025 жылдың 3 тоқсанында жалпы сомасы 526 млрд. 384 млн. теңгені құрайтын 11 435 мемлекеттік сатып алу лоттары қаралған.
Оның ішінде 567 лот бойынша сомасы 34 млрд. 626 млн. теңгеге бұзушылықтар анықталып, 567 хабарлама жолданды. Оның ішінде 300 хабарламаға сәйкес мемлекеттік сатып алудың жылдық жоспарына өзгерістер енгізе отырып, мемлекеттік сатып алу туралы шарттың жобасын кері қайтарып алу, 1 хабарламаға сәйкес конкурстық құжаттамаға (аукциондық құжаттамаға) өзгерістер енгізу арқылы, 266 хабарламаға сәйкес мемлекеттік сатып алу туралы шарт жасалғанға дейін мемлекеттік сатып алудың күшін жою.
Қазақстан Республикасы ӘҚБтК-нің 462-бабының 3-бөлігінде көзделген хабарламаларды орындамағаны немесе тиісінше орындамағаны үшін әкімшілік жауапкершілікке тарту үшін лауазымды тұлғаларға 6 хаттама толтырылды. Сондай-ақ, мемлекеттік сатып алу саласында заң бұзушылықтарға жол берген лауазымды тұлғаларға қатысты ҚР ӘҚБтК-нің 207-бабында көзделген әкімшілік құқық бұзушылық туралы 189 хаттама толтырылды.