Қазақстан Республикасы Қаржы министрлігінің Ішкі мемлекеттік аудит комитеті (бұдан әрі – Комитет) Ішкі мемлекеттік аудит департаменттерінің (бұдан әрі – ІМАД) аудиторлық іс-шара материалдарына екінші деңгейдегі сапаны бақылауды тұрақты негізде жүргізеді. Сапаны бақылаудың мақсаты – ІМАД мемлекеттік аудиторларының Мемлекеттік аудит және қаржылық бақылау стандарттарын (бұдан әрі – Стандарттар) және Ішкі мемлекеттік аудит және қаржылық бақылауды жүргізу қағидаларын (бұдан әрі – Қағидалар) сақтауын қамтамасыз ету болып табылады.
2025 жылдың тоғыз айында ІМАД аудиторлары жүргізген 288 аудиторлық іс-шара материалдары сапаны бақылаумен қамтылды, оның ішінде 16 материал Стандарттар мен Қағидаларға сәйкес келмейді.
Ескеретіні, 2025 жылдың тоғыз айында ІМАД-мен анықталған 18 509 422,2 мың теңге сомасындағы бұзушылықтардың ішінен сапаны бақылаумен 1 861 314,9 мың теңге сомасындағы бұзушылықтар расталмады, оның ішінде қаржылық бұзушылықтар – 839 876,6 мың теңге, ал рәсімдік сипаттағы бұзушылықтар – 1 021 438,3 мың теңгені құрайды.
Сондай-ақ, сапаны бақылау нәтижелері бойынша қосымша 73 580,4 мың теңге сомасындағы бұзушылықтар анықталды, оның ішінде қаржылық бұзушылықтар – 52 996,3 мың теңге, рәсімдік сипаттағы бұзушылықтар – 20 584,1 мың теңге.
Екінші деңгейдегі сапаны бақылауды жүргізу үшін аудиторлық іс-шараларды іріктеу мына негіздер бойынша жүзеге асырылады:
- жеке және заңды тұлғалардың, мемлекеттік аудит объектілерінің өтініштері мен шағымдарының болуы;
- мемлекеттік аудит органдары жүргізген аудит шараларының нәтижелерін талдау, оларды іріктеуді ТБЖ/ҚБ жүйесі арқылы жүзеге асыру;
- ҚР ҚМ Апелляциялық комиссиясының ұсынымы.
Келіп түскен өтініштер негізінде 4 аудиторлық іс-шара материалдары бойынша сапаны бақылау жүргізілді, нәтижесінде 2 аудит материалы Стандарттар мен Ережелерге сәйкес келмейтіні анықталды.
ҚР ҚМ Апелляциялық комиссиясының шешімімен аудиторлық іс-шараның 13 материалы бойынша сапа бақылауы жүзеге асырылды, нәтижесінде 6 материал Стандарттар мен Ережелерге сәйкес келмейді деп танылды.
Комитет алдын алу шаралары мақсатында ІМАД-не ай сайын сапа бақылауының нәтижелерін жібереді, тоқсан сайын шолу хаттар дайындалады, онда аудиторлық іс-шараны жүргізу кезінде жол берілмейтін жекелеген фактілер, сондай-ақ Стандарттар мен Ережелерді бұзған тұлғаларды тәртіптік жауапкершілікке тарту көрсетіледі.
Сонымен қатар, 9 ай ішінде Стандарттардың сақталуы мәселесі бойынша 7 ІМАД-де тексерулер жүргізілді, осы тексеру шеңберінде екінші деңгейдегі сапа бақылауының қорытындыларында көрсетілген кемшіліктер мен ескертулер талқыланған ІМАД мемлекеттік аудиторларының қатысуымен техникалық оқулар ұйымдастырылды.
Бұл бағыттағы жұмыс жалғасатын болады.