2024 жылға арналған мемлекеттік аудит объектілерінің тізбесіне сәйкес, Астана қаласы бойынша Ішкі мемлекеттік аудит департаменті Астана қаласы Мәдениет басқармасының бағынысты ұйымы – Орталықтандырылған кітапхана жүйесіне қаржылық есептілік аудитін өткізді.
Іс-шараның мақсаты – қаржылық есептіліктің сенімділігін растау.
Аудит нәтижелері бойынша жалпы сомасы 16 млн теңгеге қаржылық бұзушылықтар анықталды, оның ішінде:
Негізгі бұзушылықтар негізгі құралдарды есепке алуға қатысты, оның нәтижесінде олардың дұрыс есепке алынбауы қаржылық есептілік деректерінің 11,6 млн теңгеге бұрмалануына әкелді. Атап айтқанда, негізгі құралдар бухгалтерлік есептің дұрыс емес шоттарында есепке алынды, бұл «Негізгі құралдар» және «Активтердің амортизациясы» тармақтарындағы көрсеткіштердің артуына себеп болды.
Сонымен қатар, мүлікті қалдықтық құны бойынша есепке алу, түсімдерді дұрыс рәсімдемеу, амортизацияны толық есептемеу және жинақталған қаржылық нәтижені төмендету фактілері анықталды, бұл мекеменің өз капиталының көлеміне әсер етті.
Аудит қорытындысы бойынша мекемеге анықталған бұзушылықтарды жою және бұзушылыққа жол берген жауапты тұлғалардың жауапкершілігін қарау туралы ұсыным жолданды. Қазіргі уақытта мекеме тиісті түзетуші бухгалтерлік өткізбелерді енгізу арқылы 15,4 млн теңгені қалпына келтірді.
Қаржылық есептіліктің бұрмаланғаны фактісі бойынша мекеме лауазымды тұлғасына қатысты Қазақстан Республикасы Әкімшілік құқық бұзушылықтар туралы кодексінің 238-бабының 1-бөлімінің 2-тармақшасына сәйкес әкімшілік құқық бұзушылық туралы хаттама толтырылды.