2025 жылдың 8 қазанында Қостанай облысы Амангелді ауданында мемлекеттік мекемелер мен мемлекеттік кәсіпорындар қызметкерлерінің қатысуымен сыбайлас жемқорлыққа қарсы іс-қимыл және мемлекеттік қызметшілердің Әдеп кодексі талаптарының сақталуына қатысты семинар өтті.
Іс-шараға Қостанай облысы бойынша Ішкі мемлекеттік аудит департаменті басшысының орынбасары, әдеп жөніндегі уәкіл Қайролла Нұрмұқанов пен Амангелді ауданының әкімі Қанат Кеделбаев қатысты.
Семинар барысында Қайролла Нұрмұқанов Департамент тарапынан 2024 жылы және 2025 жылдың алғашқы 8 айында Амангелді ауданында жүргізілген аудиторлық іс-шаралар мен камералдық бақылау нәтижелеріне тоқталды. Анықталған бұзушылықтар мен оларды болдырмау жолдары жан-жақты түсіндірілді.
Сонымен қатар, Қ. Нұрмұқанов жұмыс барысында туындайтын мәселелер бойынша азаматтарды жеке қабылдап, олардың сұрақтарына жауап берді.
Бұл семинар мемлекеттік қызметшілердің құқықтық сауаттылығын арттыруға, сыбайлас жемқорлықтың алдын алуға және Әдеп кодексі талаптарының мүлтіксіз орындалуын қамтамасыз етуге бағытталған маңызды шара болды.