Түркістан облысы денсаулық сақтау басқармасына қарасты «Облыстық балалар ауруханасы» шаруашылық жүргізу құқығындағы мемлекеттік коммуналдық кәсіпорны мемлекеттік сатып алу веб-порталы арқылы бағалы ұсыныстарға сұраным тәсілімен «Араластырғыш» құралын сатып алуға конкурс жариялаған.
Қазақстан Республикасы Қаржы министрлігі Ішкі мемлекеттік аудит комитетінің Түркістан облысы бойынша Ішкі мемлекеттік аудит департаменті аталған сатып алуды камералдық бақылаудан өткізді. Бақылау барысында мемлекеттік сатып алу бойынша техникалық ерекшеліктерге қойылған талаптар жан-жақты зерттеліп, талданып, бағаланды.
Камералдық бақылау нәтижесінде мемлекеттік сатып алу құжаттамасында талап етілетін ұлттық және мемлекетаралық стандарттардың көрсетілмегені анықталды. Мемлекетаралық стандарттарға сәйкес техникалық ерекшеліктерді әзірлеу кезінде ұлттық және мемлекетаралық стандарттарды міндетті түрде көрсету қажеттігіне қайшы келеді.
Анықталған бұзушылықтар бойынша «Облыстық балалар ауруханасына» мемлекеттік сатып алу заңнамасының талаптарына сәйкестендіру туралы ресми хабарлама жолданды. Қазіргі таңда мекеме тарапынан департаменттің ескертулері толық көлемде орындалып, заң талаптарына сай өзгерістер енгізілді.
Бұл жағдай мемлекеттік сатып алуда техникалық стандарттардың сақталуының маңыздылығын көрсетеді. Тиісті бақылау мемлекеттік сатып алулардың ашықтығы мен заңдылығын қамтамасыз етіп, мемлекеттік қаражаттың тиімді жұмсалуына ықпал етеді.