"Астана қаласының Қалалық ортаның сапасы мен бақылауы басқармасы" ММ-нің қаржылық есептілігіне аудиттің қорытындылары

2024 жылға арналған мемлекеттік аудит жоспарына сәйкес, Қазақстан Республикасы Қаржы министрлігі Ішкі мемлекеттік аудит комитетінің Астана қаласы бойынша ішкі мемлекеттік аудит департаменті «Астана қаласының Қалалық ортаның сапасы мен бақылауы басқармасы» ММ-де қаржылық есептілікке аудит жүргізді.

Аудиттің мақсаты – бюджеттік бағдарламалар әкімшісінің және мемлекеттік мекемелердің қаржылық есептілігінің шынайылығын негізді растау болып табылады.

Аудит нәтижелері бойынша жалпы сомасы 1 025 589,6 мың теңге көлемінде бұзушылықтар анықталды, оның ішінде:

• Қаржылық бұзушылықтар – 1 025 567,9 мың теңге, соның ішінде:
• бюджетке қайтарылуға жататын сома – 161,3 мың теңге,
• бухгалтерлік есеп арқылы қалпына келтірілуге жататын сома – 1 025 406,6 мың теңге;
• Процедуралық сипаттағы бұзушылықтар – 21,7 мың теңге.

Тексеру барысында міндетті түгендеудің (ақша қаражаттары, қаржылық инвестициялар, дебиторлар мен кредиторлармен есеп айырысу, бюджет пен мемлекеттік қорлар алдындағы міндеттемелер) жүргізілмеген жағдайлары, сондай-ақ шаруашылық материалдар мен кеңсе заттарына уақтылы түгендеу жүргізілмегені анықталды.

Бухгалтерлік есеп жүргізу тәртібін бұзу фактілері анықталды:

• тауар-материалдық қорлардың дұрыс есепке алынбауы – 21,7 мың теңге (тиісті шотқа ауыстыру арқылы жойылды);
• пайдаланылмаған еңбек демалысы үшін негізсіз өтемақы төленуі – 161,3 мың теңге (қаражат бюджетке қайтарылды);
• іссапар шығындарының артық төленуі – 14,0 мың теңге (бюджетке қайтарылды);
• күрделі шығындарды аяқталмаған құрылыс шотына негізсіз жатқызу – 1 025 294,5 мың теңге (түзеткіш бухгалтерлік жазбалар жүргізілді);
• амортизацияның артық есептелуі – 98,1 мың теңге (аудит барысында жойылды).

Бұзушылықтар жылдық қаржылық есептілік жасалғанға дейін жойылды. Бухгалтерлік есеп пен есептілікте дұрыс мәліметтерді көрсету бойынша шаралар қабылданды.