Ақмола облысы бойынша Ішкі мемлекеттік аудит департаментінде бюджет қаражатының пайдаланылуын «Онлайн-бюджеттік мониторинг» модулін қолдана отырып, нақты уақыт режимінде бақылау жалғасуда.
Бастапқыда тек білім беру саласын қамтыған модуль қазір денсаулық сақтау, мәдениет, спорт және туризм салаларында қолданылады. Ол нақты уақыт режимінде бюджет қаражатының мақсатты пайдаланылуын, соның ішінде еңбекақы төлеуді бақылауға мүмкіндік береді.
Ерекше назар қызметкерлерге негізсіз төлемдерді бүркемелеп,жалақы ретінде карт-шоттарға аударымдарды талдауға аударылады.
Тексерулер тәуекелдердің бар екенін бірқатар жағдайда көрсетті,бұл цифрлық мониторингті әрі қарай дамыту қажеттілігін дәлелдейді. Кешенді тәсіл мен заманауи технологиялар бюджет қаражатын бақылауды анағұрлым тиімді әрі ашық етеді.
Осылайша,Департамент 2025 жылғы 1 қаңтардан 4 қыркүйекке дейінгі кезеңде ОБМ арқылы еңбекақы төлемдерін мониторнгтеу жүргізіп, барлығы 5403 тәуекелді төлем (1740 жеке тұлғаға) бойынша барлығы 337 ден қою хаттары (хабарламалар) жолданды.
Бүгінгі күнге дейін бақылау нысандары бюджетке жалпы сомасы 47 млн 301 мың теңгеге қайтарды, оның ішінде:
- білім беру саласында-жалпы сомасы 45 млн. 782 мың теңгеге;
- дене шынықтыру және спорт саласында-жалпы сомасы 327 мың 405 теңгеге;
- мәдениет саласында-жалпы сомасы 1 млн 191 мың теңгеге.
Департамент мониторинг нысанының хабарламаны орындамаған және жоғары тәуекелдерді сақтаған жағдайында мемлекеттік аудит тағайындалады, оның қорытындысы бойынша жауапты лауазымды тұлғалар тәртіптік жауапкершілікке тартылады.