Қазіргі уақытта Жамбыл облысы бойынша ішкі мемлекеттік аудит департаменті "Онлайн-бюджеттік мониторинг" жүйесі негізінде білім беру саласында бюджет қаражатының жұмсалуына мониторинг жүргізуде.
Департамент тұрақты режимде білім беру мекемесінде ҚР Сыбайлас жемқорлыққа қарсы іс-қимыл агенттігінің, оның аумақтық департаменттерінің ББӘ-ні хабардар ете отырып, тәуекелдік төлемдер туралы хабарламалар жіберілуде.
Департамент бүгінгі күні білім басқармасының ведомстволық бағынысты мекемелеріне 900 қызметкер бойынша 434 010,3 мың теңге сомасына 137 хабарлама жолдады. Оның ішінде бюджетке 17 988,7 мың теңге өтелді. Екі хабарлама бойынша мекемеден жауап күтілуде.
Денсаулық сақтау басқармасының ведомстволық бағынысты мекемелеріне 27 қызметкер бойынша 17 077,8 мың теңге сомаға 6 хабарлама жіберілді. Оның ішінде бюджетке 5 382,9 мың теңге өтелді.
Мәдениет Басқармасының ведомстволық бағынысты мекемелеріне 7 қызметкер бойынша 6 778,1 мың теңге сомаға 6 хабарлама жіберілді. Оның ішінде бюджетке 1 033,1 мың теңге өтелді.
Спорт басқармасының ведомстволық бағынысты мекемелеріне 115 609,3 мың теңге сомасына 97 қызметкер бойынша 14 хабарлама жіберілді. Оның ішінде 91 812,1 мың теңге сомасына жоғары тәуекелдердің жай-күйі расталмаған. Қалған сомалар бойынша мекемеден жауап күтіледі.
Департаментпен 2025 жылға бюджетке 24 404,7 мың теңге өтелді.