2025 жылғы 15 наурызда Мемлекет Басшысы Қазақстан Республикасының Бюджет кодексіне қол қойды. Кодекс 2025 жылғы 1 қаңтардан бастап күшіне енді. Жаңа Бюджет кодексі бюджет процесін оңтайландырып, мемлекеттік органдардың дербестігі мен жауапкершілігін арттыруға бағытталған. Бюджет процесінің кезеңдері қысқартылып, бюджеттің блоктық моделі элементтері енгізілді, әкімшілердің өкілеттіктері кеңейтілді.
Бюджет кодексі бюджетааралық қатынастарды жетілдіруге бағытталған, сондай-ақ халықтың қатысу бюджетін қалыптастырудың негіздері бекітілді. Парламенттік бақылау күшейтілді. Бюджеттің кіріс бөлігіне ерекше назар аударылды. Жаңа Бюджет кодексі мемлекеттік ресурстарды тиімді пайдалануға бағытталған.
Жаңа Бюджет кодексінің енгізілуіне байланысты мемлекеттік мекемелер үшін бухгалтерлік есеп саласында жаңа нормативтік құқықтық актілер қабылданды.
Жаңа есеп саясаты, шоттар жоспары, бухгалтерлік есеп жүргізу жөніндегі нұсқаулық, қаржылық есептілікті тапсыру тәртібі мен нысандары бекітілді.
Аталған жаңалықтар Қазақстан Республикасының нормативтік құқықтық актілерінің «Әділет» ақпараттық-құқықтық жүйесінде жарияланды.