2025 жылдың бірінші жартыжылдығында Астана қаласы бойынша Ішкі мемлекеттік аудит департаменті 34 аудиттік іс-шара өткізді. Тексерулер барысында 21,9 млрд теңге көлеміндегі бюджеттік қаражат қамтылды. Бұзушылықтар осы соманың басым бөлігін, яғни 15,7 млрд теңгені немесе тексерілген көлемнің 71,7%-ын құрады.
Департамент мемлекеттік аудит объектілеріне бұзушылықтарды жою туралы 30 нұсқама жолдады, оның 22-і толық көлемде орындалды, ал 8 нұсқаманың орындау мерзімдері өтпеген немесе түрлі объективті себептермен ұзартылған.
Қаржылық бұзушылықтардың жалпы сомасы 6,11 млрд. теңгені құрады, ол жұмыстарды орындау, қызметтер көрсету, тауарлар жеткізу және есепке алу бойынша, сондай-ақ бюджетке қайтару үшін орындауға жатады. Осы бұзушылықтарды жою бойынша қабылданған шаралардың сомасы 5,02 млрд. теңге болды, бұл анықталған бұзушылықтардың 82,2%-ын құрайды.
Ең көп бұзушылықтар мемлекеттік сатып алу саласында тіркелді — 5,9 млрд. теңге. Сондай-ақ, мемлекеттік мүлікті басқаруда (1,7 млрд теңге), ағымдағы шығындарды жүргізуде (1,83 млрд. теңге), инвестициялық жобаларды және концессиялық жобаларды іске асыруда (0,38 млрд. теңге) елеулі ауытқулар анықталды.
Әкімшілік жауапкершілікке 19 лауазымды тұлға тартылды, оларға жалпы сомасы 0,74 млн теңге айыппұл салынды. Аталған сома толық көлемде бюджетке түсті. Тәртіптік жауапкершілікке 22 қызметкер тартылды.