Ағымдағы жылдың бірінші тоқсанында Қазақстан Республикасы Қаржы министрлігінің Ішкі мемлекеттік аудит комитетінің Жамбыл облысы бойынша Ішкі мемлекеттік аудит департаменті 22 аудиттік іс-шара өткізді, олардың ішінде: 1 (бір) іс-шара тізім бойынша және 21 жоспардан тыс тексеру. Бұл жоспардан тыс тексерулердің 5-уі Комитеттің тапсырмасы бойынша, тәуекелдерді басқару жүйесін қолдана отырып, бюджетті атқару жөніндегі орталық уәкілетті органның ақпараттық жүйелерінің деректерін мониторингтеу нәтижелері бойынша 6, 10 заңды және жеке тұлғалардың өтініштері бойынша жүргізілді.
Аудиторлар жалпы сомасы 11,9 млрд теңгеге бұзушылықтарды анықтады. Оның ішінде қаржылық бұзушылықтар 9,6 млрд теңгені, ал рәсімдік сипаттағы бұзушылықтар 2,4 млрд теңгені құрады.
Қаржылық бұзушылықтардың жалпы сомасынан бюджетке қалпына келтіру және өтеуге жататын 9,6 млрд теңгеден аудит барысында және қабылданған шаралармен 694 мың теңге қалпына келтіріліп, бюджетке өтелді, бұл жалпы соманың 14,5%-ын құрайды.
Аудиттік іс-шаралардың нәтижелері бойынша тексерілген ұйымдар мен мекемелердің 9 лауазымды тұлғасы тәртіптік жауапкершілікке тартылды. Әкімшілік жауапкершілікке 1 лауазымды тұлға тартылып, оларға 118 мың теңге айыппұл салынды, бұл айыппұлдар толық көлемде бюджетке өтелді.
Осылайша, Департамент ұйымдардағы қаржылық және рәсімдік тәртіпті бақылауды күшейте отырып, анықталған бұзушылықтарға уақытылы ден қоюдың маңыздылығын, қаржылық шығындардың алдын алу және мемлекеттік сатып алулардың ашықтығын қамтамасыз етуді ерекше атап өтті.