Қазақстан Республикасының «Мемлекеттік аудит және қаржылық бақылау туралы» Заңымен қарастырылған функцияларын орындау аясында, Батыс Қазақстан облысы бойынша Ішкі мемлекеттік аудит департаменті (Департамент) мемлекеттік сатып алу веб-порталы арқылы алынған мәліметтерді салыстыру жолымен, мемлекеттік аудит объектісіне шықпай камералдық бақылауды жүзеге асырады.
Камералдық бақылаудың мақсаты бұзушылықтарды болдырмау және уақытында оның алдын алу, сонымен қатар мемлекеттік аудит объектісіне бұзушылықтарды өз бетінше жоюға мүмкіндік беру болып табылады.
2025 жылдың 6 айында 9771 лотты жалпы сомасы 189,5 млрд. теңгеге камералдық бақылаумен қамтылып, оның 593 лот бойынша жалпы сомасы 7,2 млрд. теңгеге бұзушылықтар анықталып, мемлекеттік аудит объектілеріне хабарламалар жолданылды, олар белгіленген мерзімдерде орындалды.
Анықталған бұзушылықтар мемлекеттік сатып алу тәсілдері бойынша, келесідей көрініс тапты:
- Тікелей шарт тұжырымы бір дерекөздерден – 113 хабарлама;
- Баға ұсыныстарын сұрату – 314 хабарлама;
- Ашық конкурс (аукцион) – 166 хабарлама;
Осылайша, анықталған бұзушылықтардың басым бөлігі бір көзден тікелей шарт жасасу жолымен заңсыз қолданылу, баға ұсыныстарын сұрату тәсілінде тауар таңбаларын көрсету және техникалық ерекшелік қазақ тілінде жарияланбау, сатып алынатын тауарлардың стандарт көрсетпеу бөліктерінде орын алды.
Батыс Қазақстан облысы бойынша мемлекеттік сатып алу туралы заңнаманы бұзушылықтарға жол бермеу мақсатында, Департамент тарапынан тапсырыс беруші және ұйымдастырушыларға тұрақты негізде мемлекеттік сатып алу туралы заңнамасына енгізілген өзгерістер мен толықтырулар туралы мәлімет беріліп отырады.