2025 жылдың I жартыжылдығында Қостанай облысы бойынша Ішкі мемлекеттік аудит департаментімен 39 аудиторлық іс-шара жүргізілді.
Анықталған бұзушылықтар
Аудиторлық іс-шаралардың нәтижесінде жалпы сомасы 39 028 694,1 мың теңгеге бюджеттік заңнаманы бұзушылықтар анықталды, оның ішінде:
- Қаржылық бұзушылықтар – 33 826 248,0 мың теңге;
- Процедуралық сипаттағы бұзушылықтар – 5 202 446,1 мың теңге.
Мемлекеттік сатып алу туралы заңнама талаптарының бұзылуы 3 454 741,0 мың теңге сомасына анықталды, оның ішінде:
- Мемлекеттік сатып алу нәтижелеріне әсер ететін бұзушылықтар – 3 318 042,3 мың теңге.
Қабылданған шаралар
Аудиторлық іс-шаралар нәтижесінде:
- Бюджетке қайтарылуға, өтелуге және есепке алынуға тиіс 33 826 248,0 мың теңгенің ішінен 33 673 157,4 мың теңге қалпына келтірілді, өтелді және бухгалтерлік есепте көрсетілді.
- Аудит нәтижесі бойынша 34 ұйғарым жолданды, оның ішінде:
- 8 ұйғарымның орындалу мерзімі сот шешіміне дейін ұзартылды;
- 2 ұйғарым бойынша мерзімдер ұзартылды;
- 5 ұйғарым бойынша мерзімі әлі басталған жоқ;
- 19 ұйғарым толық көлемде орындалды.
43 лауазымды тұлға тәртіптік жауапкершілікке тартылды.
Құқық қорғау органдарына жіберілген материал
Іс жүргізу шараларын қабылдау үшін құқық қорғау органдарына 1 аудит материалы жіберілді:
- Атап айтқанда, Әулиекөл ауданы әкімдігінің "Құсмұрын жылытуэнергетикалық компаниясы" МКК бойынша жалпы сомасы 11 611,5 мың теңгеге кәсіпорын қызметкерлеріне негізсіз жалақы төлеу және негізгі құралдардың жетіспеушілігі фактілері анықталды.
- Аталған факті бойынша Сыбайлас жемқорлыққа қарсы қызмет Қазақстан Республикасы Қылмыстық кодексінің 189-бабы 3-бөлігінің 1 және 3-тармақтарына сәйкес қылмыстық іс қозғады.
Камералдық бақылау нәтижелері
Мемлекеттік сатып алу туралы заңнаманың сақталуын камералдық бақылау шеңберінде:
- Жалпы сомасы 10 194 169,4 мың теңгеге 1362 хабарлама жіберілді;
- Оның ішінде 1342 хабарлама орындалып, 10 118 617,7 мың теңге сомасындағы бұзушылықтар жойылды.
Қостанай облысы бойынша
Ішкі мемлекеттік аудит департаменті