2025 жылғы 1 маусымнан бастап Президенттік жастар кадрлық резервіне іріктеу басталады, оған В1 деңгейінен төмен емес мемлекеттік тілді меңгерген, жоғары білімі және кемінде 5 жыл жұмыс өтілі бар 35 жастан аспаған Қазақстан азаматтары қатыса алады.
Іріктеу бірнеше кезеңнен тұрады және 2025 жылдың маусым айынан қазан айына дейін өткізіледі.
Оның қорытындысы бойынша Резервке 50 үздік үміткер іріктеледі. Қабылданған күннен бастап 3 жыл ішінде резервшілер әртүрлі мемлекеттік лауазымдарға конкурстық іріктеуден өтпей тікелей тағайындалуы мүмкін.
Іріктеуге қатысуға өтінімді 1-30 маусым аралығында pkrezerv.gov.kz сайтынан беруге болады.
Іріктеуге қатысу үшін жеке кабинетке мына құжаттардың көшірмелерін жүктеу қажет:
1. Жоғары білім туралы диплом
2. Еңбек қызметін растайтын құжат (ҚР Еңбек кодексінің 35-бабына сәйкес)
3. Мемлекеттік тілді В1 деңгейінен төмен емес меңгергендігін растайтын QAZAQ RESMI TEST немесе ҚАЗТЕСТ жарамды сертификаты.