Қазақстан Республикасы Қаржы министрлігінің Ішкі мемлекеттік аудит комитеті мемлекеттік қаражаттың тиімді және мақсатты жұмсалуын қамтамасыз ету мақсатында онлайн бюджеттік мониторинг жүйесін енгізді.Бұл жаңа жүйе бюджеттік шығындарды бақылаудың заманауи және ашық тетігі ретінде мемлекеттік мекемелердің қаржы тәртібін қадағалауға мүмкіндік береді.
Онлайн бюджеттік мониторингтің «800 мың теңгеден асатын артық қаражаттың бір және бірнеше төлеммен аудару қаупі» тәуекелі негізінде Ақтөбе облысының ішкі мемлекеттік аудит департаментімен Ақтөбе облысының білім басқармасы Шалқар ауданының білім бөлімі» ММ «№5 мектеп-лицей» КММ-де аудиторлық іс-шара жүргізіліп нәтижесінде 51 448,2 мың. теңгеге бұзушылықтар анықталды.
Атап айтқанда, 2023 жылы аудитпен қамтылған кезеңдегі еңбек ақысының 5-15А формасы мен төлемдерін есептеуге арналған есеп ведомстілері қамтылып,ішінара тексеру жүргізілді.Нәтижесінде 19 мектеп қызметкерлеріне жалпы сомасы 41 340,1 мың теңгеге жалақының 50%-нан артық мөлшерде аванс берілгені анықталды.Оның ішінде, тексеру барысында 2024 жылдың наурыз-сәуір айларында 19 314,0 мың теңге түбіртек негізінде бюджет кірісіне қайтарылған.Ал қалған 22 026,1 мың теңге 2024 жылдың еңбекақысынан ұсталмаған.
Сонымен қатар,2024 жылы 12 қызметкерге нақты істелген уақыты үшін төленетін тиісті еңбек ақысынан жалпы сомасы 10 108,1 мың.тенгеге артық қаражат аударылғаны анықталды.
Бұл бұзушылықтар мектеп бас есепшілері өзінің қызметтік міндеттерін атқару барысында мектеп директорының атына берілген электрондық цифрлық қолтаңбаны пайдалану нәтижесінде орын алған.
Яғни, Қазақстан Республикасының 2003 жылғы 7 қаңтар N 370-ІІ «Электрондық құжат және электрондық цифрлық қолтаңба туралы» Заңының 10-бабының 3-тармағына қайшы, мекеменің лауазымды тұлғаларымен электрондық қолтаңбаны пайдалану және қол жеткізу құқығына қатысты сақтық шаралары мен бақылау шаралары сақталмаған.
Аудит барысында тиісті шаралар қабылданып,жалпы сомасы 32 134,2 мың теңге бюджетке толығымен қайтарылды.
Бұл жағдай онлайн мониторинг жүйесінің тиімділігін дәлелдей отырып,мемлекеттік қаражаттың мақсатты жұмсалуын қамтамасыз етуде ашықтық пен жауапкершіліктің маңыздылығын көрсетті.