2025 жылдың I тоқсанында мемлекеттік сатып алу туралы заңнама нормаларын іске асыру шеңберінде 1,3 трлн теңгеге жуық сомаға 23 029 лотқа камералдық бақылау жүргізілді. Атап айтқанда:
Бірінші бағыт бойынша — 11 779 сатып алу;
Екінші бағыт бойынша — 2 102 сатып алу;
Баға ұсыныстарын сұрату тәсілімен сатып алу — 4 982 лот;
Бір көзден алу тәсілімен сатып алу — 4 106 лот.
Айта кету керек, мемлекеттік сатып алу туралы жаңа заңнаманың күшіне енуіне байланысты камералдық бақылаудың үшінші және төртінші бағыттары алынып тасталды, бұл сатып алуларды талдау мен бағалау тәсіліне әсер етті.
2025 жылдың 1 қаңтарынан 31 наурызына дейінгі аралықта Департамент тарапынан ұйымдастырушылар мен тапсырыс берушілерге 7,4 млрд. теңге сомасына бұзушылықтарды жою туралы 388 хабарлама жолданды. Оның ішінде:
1-бағыт бойынша — 128 хабарлама;
2-бағыт бойынша — 62 хабарлама;
Бір көзден тікелей шарт жасасу тәсілімен сатып алулар бойынша — 63 хабарлама;
Баға ұсыныстарын сұрату тәсілімен сатып алулар бойынша — 135 хабарлама.
Хабарламалар көбінесе келесі тәуекел бейіндері бойынша жолданды:
Тәуекел бейіні №1: тапсырыс берушінің заңнамада көзделмеген біліктілік талаптарын белгілеуі — 117 хабарлама;
Тәуекел бейіні №23: «Рұқсаттар мен хабарламалар туралы» Заңын және мемлекеттік сатып алу туралы Заңның 11-бабын бұза отырып баға ұсыныстарын сұрату тәсілін қолдану — 54 хабарлама.
2024 жылмен салыстырғанда камералдық бақылау нәтижесінде 2 216 хабарлама жіберілген болатын, олардың 50%-дан астамы қазіргі уақытта алып тасталған төртінші бағыт аясындағы бұзушылықтарға қатысты болған.
Осылайша, заңнамалық өзгерістер мен бақылаудың бірқатар бағыттарының алынып тасталуына қарамастан, мемлекеттік сатып алу саласындағы бұзушылықтарды анықтау және жою бойынша тұрақты белсенділік байқалуда. Бұл сатып алу рәсімдерінің ашықтығы мен заңдылығын арттыруға бағытталған жүйелі жұмыстың жалғасып жатқанын көрсетеді.