Департамент тарапынан 2024 жылы 35 аудиторлық іс-шара өткізілді, оның ішінде 13-і жоспарлы және 22-сі жоспардан тыс. Аудит нәтижесінде жалпы сомасы 2 млрд 116 млн теңгеге бұзушылықтар анықталды, оның ішінде 1 млрд 560 млн теңге қаржылық бұзушылықтар және 555,7 млн теңге рәсімдік сипаттағы бұзушылықтар. Анықталған қаржылық бұзушылықтардың жалпы сомасынан 697,9 млн теңге қабылданған шаралар нәтижесінде қалпына келтіріліп, өтелді.
Қазақстан Республикасының Әкімшілік құқық бұзушылық туралы кодексіне сәйкес, аудит объектілерінің лауазымды тұлғаларына қатысты 560 әкімшілік құқық бұзушылық туралы хаттама жасалып, жалпы сомасы 45,8 млн теңге айыппұл салынды. Бұл соманың барлығы бюджет кірісіне толық көлемде өндірілді.
Іс жүргізу шешімін қабылдау үшін құқық қорғау органдарына заңнама бұзушылықтарының жалпы сомасы 918,3 млн теңгені құрайтын мемлекеттік аудиттің 7 материалы жолданды.
Департамент жіберген, анықталған бұзушылықтарды жою және оларға жол берген адамдардың жауапкершілігін қарау туралы 34 нұсқама негізінде аудит объектілерінің 41 лауазымды тұлғасы тәртіптік жауапкершілікке тартылды.
Камералдық бақылау шеңберінде 6 692 лоттың 6 594-і қамтылды. Нәтижесінде, жалпы сомасы 20,0 млрд теңгені құрайтын 908 лот бойынша бұзушылықтар анықталып, олардың түрлері сипатталған тиісті хабарламалар жіберілді. Орындау мерзімі өткен алты хабарлама бойынша Департамент камералдық бақылау шеңберінде тиісті ден қою шараларын қабылдады.
Онлайн-бюджеттік мониторинг нәтижелері бойынша қаражат аудару кезінде анықталған 2,3 млн теңге сомасындағы қаржылық бұзушылықтар туралы 64 хабарлама жіберіліп, бұл қаражат бюджетке толық көлемде өтелді.