«Қостанай облысы әкімінің аппараты» ММ-нің Ішкі аудит қызметі 2024 жылы жүргізген аудиторлық іс-шаралардың қорытындылары

Жергілікті атқарушы органдардың ішкі аудит қызметі (бұдан әрі – ЖАО ІАҚ) 2024 жылы 18 аудиторлық іс-шара өткізді.

Есепті кезеңде аудитпен қамтылған қаражат көлемі 34 106,9 млн теңгені құрады.

Аудит нәтижесінде 2 248,0 млн теңге сомасына немесе аудитпен қамтылған қаражаттың 6,6%-ы көлемінде бұзушылықтар анықталды, оның ішінде:

• қаржылық бұзушылықтар – 64,6 млн теңге (қалпына келтіруге, есепке алуға және өтеуге жатады);
• рәсімдік сипаттағы бұзушылықтар – 2 093,9 млн теңге;
• оның ішінде мемлекеттік сатып алу рәсімдерін жүзеге асыру кезіндегі бұзушылықтар – 89,5 млн теңге.

Аудиторлық іс-шаралардың қорытындысы бойынша қалпына келтіруге және бюджетке өтеуге жататын 64,6 млн теңгенің 63,9 млн теңгесі немесе 98,9%-ы қалпына келтірілді және өтелді.

Аудиторлық іс-шаралардың нәтижелері бойынша бұзушылықтарды жою және ұсынымдарды қарау туралы 18 шешім қабылданды.

Аудит объектілеріне ішкі рәсімдерді, қағидаларды және процестерді жақсарту бойынша 85 ұсыным жолданды. Бұл ұсынымдар жұмыстың тиімділігін арттыруға, сондай-ақ қызметтің тікелей және түпкілікті нәтижелеріне қол жеткізуге бағытталған.