2024 жылы Павлодар облысы бойынша ішкі мемлекеттік аудит Департаменті Қазақстан Республикасының заңнамасына сәйкес бюджет қаражатын пайдаланудың негізділігін бағалау үшін Шарбақты ауданының 11 мекемесіне жоспарлы аудит жүргізді.
Аудит нәтижелері қаржылық (6 346,2 млн.теңге) және рәсімдік сипаттағы (11 435,5 млн. теңге) елеулі бұзушылықтардың бар екендігін көрсетті.
Ең маңызды бұзушылықтар «Шарбақты ауданының нақты экономика секторы бөлімі» ММ (4 792,9 млн теңге қаржылық және 9 638,5 млн теңге рәсімдік бұзушылықтар) және «Шарбақты ауданының Шалдай ауылдық округі әкімінің аппараты» ММ (1 474,9 млн теңге қаржылық және 1 614,1 млн теңге рәсімдік бұзушылықтар) тіркелді.
Аудит бюджет қаражатын басқарудағы жүйелі проблемаларды, атап айтқанда, сыйлықақы беруге, материалдық көмек төлеуге, лауазымдық айлық ақыларға үстемеақылар белгілеуге және қызметтік іссапарларға арналған шығыстарды өтеуге арналған қаражаттың пайдаланылу барысында ішкі бақылау жүйесінің тиімділігінің жеткіліксіздігін, сондай-ақ мемлекеттік сатып алу туралы заңнамасы және бухгалтерлік есеп жүргізу қағидаларының бұзушылықтары анықтады.
Өткізілген іс-шаралар нәтижесінде 13 лауазымды тұлға (сомасы 1 071,5 мың теңге) және 2 заңды тұлға (сомасы 393,2 мың теңге) әкімшілік жауапкершілікке тартылды, сондай-ақ 11 лауазымды тұлға тәртіптік жауапкершілікке тартылды.