Қостанай облысы бойынша ішкі мемлекеттік аудит департаменті «Арқалық қаласы әкімінің аппараты» мемлекеттік мекемесінде (бұдан әрі – Мекеме) жеке адамдардың өтініштерінде көрсетілген дәлелдерді ескере отырып, жергілікті атқарушы органның резервінен бюджет қаражатын бөлудің және пайдаланудың негізділігі, сондай-ақ су тасқыны салдарын жою шеңберінде қаражатты мақсаты бойынша бөлудің негізділігі бойынша жоспардан тыс аудиторлық іс-шара өткізді.
Аудиторлық іс-шара барысында қалпына келтіруге жататын 143 349,3 мың теңге қаржылық бұзушылықтар анықталды, атап айтқанда, өтелетін тауарлар тізіміне енгізуге жатпайтын бүлінген мүлікке 171,9 мың теңге көлемінде өтемақы төлеу негізсіз жүргізілді, келтірілген залалдың 231,1 мың теңге көлемінде өтемақы төленді, теңгерімде тұрған негізгі құралдардың жетіспеушілігі анықталды, атап айтқанда құтқару кеудешелер, моторы бар қайық, үрлемелі қайық, абоненттік станция, мотопомпа 5 447,8 мың теңге көлеміндегі 73 дана, екі ЖШС-мен және бір ЖК-мен жасалған мемлекеттік сатып алу туралы келісім-шарттары бойынша көрсетілген қызметтерді растау сенімділігі қамтамасыз етілмеген, оның нәтижесінде Мекеменің шығындарына жалпы сомасы 137 498,5 мың теңге (қызметтерді жеткізушімен толтыратын көрсетілген қызмет туралы мәліметтер көрсетілмеген: қызметтің атауы, өлшем бірлігі, саны, бірліктің бағасы және сомасы). Аудиторлық іс-шара жүргізу барысында Мекеме жергілікті бюджетке 403,0 мың теңге шығынды өтеп берді.
Аудиттің нәтижелері бойынша Мекеме атына анықталған бұзушылықтарды жою және оларға жол берген тұлғалардың жауапкершілігін қарау туралы ұйғарым жіберілді, онда 5 447,8 мың теңге көлеміндегі 73 дана негізгі құралдардың жетіспеушілігін қалпына келтіру, көрсетілген қызмет актілерін ұсыну арқылы 137 498,5 мың теңгені қалпына келтіру, сондай-ақ, анықталған бұзушылықтарға жол берген лауазымды тұлғалардың жауапкершілігін қарастыру көрсетілген болатын.
«Арқалық қаласы әкімінің аппараты» ММ-нің ұсынылған жауабына сәйкес 5 447,8 мың теңге көлеміндегі 73 бірлікті құрайтын негізгі құралдардың тапшылығы қалпына келтірілді, сондай-ақ көрсетілген қызмет актілерін ұсыну арқылы 137 498,5 мың теңгесі қалпына келтірілді, Мекеменің қызметкерлері «сөгіс» түріндегі тәртіптік жауапкершілікке тартылды.