Қазақстан Республикасы Қаржы министрлігінің Ішкі мемлекеттік аудит комитетімен аумақтық Ішкі мемлекеттік аудит департаменттерінің (бұдан әрі - ІМАД) мемлекеттік аудит және қаржылық бақылау стандарттарын (бұдан әрі - Стандарттар) және ішкі мемлекеттік аудит және қаржылық бақылау жүргізу қағидаларын (бұдан әрі - Қағидалар) сақтауын бақылауды жүзеге асыру бойынша жұмыс өз жалғасын табуда.
2024 жыл бойынша екінші деңгейдегі сапа бақылауымен барлығы - 401 ІМАД аудит материалы қамтылған, оның ішінде 21 (5,2 %) материал Стандарттарға және Қағидаларға сәйкес келмейді.
Орындалған аудиторлық іс-шаралардың сапасын арттыру бойынша қабылданған шаралардың нәтижесінде Стандарттарға сәйкес келмейтін аудиторлық материалдардың саны айтарлықтай азайды.
Осылайша, талдау Стандарттарға сәйкес келмейтін аудиторлық материалдардың үлесі 2023 жылмен салыстырғанда 3,5%-ға төмендегенін көрсетті.
2024 жылдың қорытындысы бойынша Стандарттарға сәйкес келмейтін материалдардың екінші деңгейдегі сапа бақылауы мынадай негіздер бойынша жүзеге асырылды:
- ҚР ҚМ Апелляциялық комиссияның ұсынымдары негізінде - 12 материал;
- жеке және заңды тұлғалардың, мемлекеттік аудит объектілерінің өтініштері және шағымдарының негізінде - 5 материал;
- ІМАД-і жүргізген аудиторлық іс-шаралардың нәтижелерін талдау (ҚБ/ТБЖ кіші жүйесі арықылы аудит материалдарын жоспарлы іріктеу) негізінде - 18 материал.
Стандарттарды және Қағидаларды бұзудың алдын алу және болдырмау мақсатында Комитет тоқсан сайын ІМАД шолу хаттарын жібереді.
Сонымен қатар, мемлекеттік аудиторлардың кәсіби құзыреттілігін арттыру, сондай-ақ мемлекеттік аудит және қаржылық бақылау саласындағы заңнама бойынша білімдерін жетілдіру мақсатында Комитет ІМАД-і қызметкерлерінің қатысуымен тұрақты негізде техникалық оқыту жүргізеді, онда 2-деңгейдегі сапаны бақылау қорытындыларында көрсетілген кемшіліктер мен ескертулерді алдын алу мақсатында талқыланады.
Осыған ұқсас жұмыстар Комитеттің аумақтық бөлімшелерімен Стандарттар мен Қағидалардың бұзылуына жол бермеу және алдын алу мақсатында жүргізілуде. Мәселен, ағымдағы жылдың ішінде ІМАД мемлекеттік аудиторлар мен ассистенттердің қатысуымен 220-дан астам техникалық оқытулар, дөңгелек үстелдер мен семинарлар өткізді.