Солтүстік Қазақстан облысы бойынша ішкі мемлкеттік аудит департаментімен Ғабит Мүсірепов атындағы аудан мекемелерінде бюджеттік қаражат пен мемлекет активтерін пайдалану кезінде жергілікті бюджеттен қаржыландырылатын ұйымдармен бюджеттік және өзге де заңнаманы сақтау мәселесі бойынша аудиторлық іс-шаралар өткізілді.
Өткізілген аудиторлық іс-шаралармен 8 411,7 млн.теңгеге бұзушылықтар анықталды.
Тексерілетін кезеңде қаржы және шаруашылық операцияларды жүзеге асыру кезінде мекемелер бюджеттік бағдарламалар көзделген көрсеткіштеріне қол жеткізбеуге, орындалмаған жұмыс көлемі үшін мердігер ұйымдарға негізсіз ақы төлеуге, штат бірліктерін ұстауға арналған шығыстарды шамадан тыс жоспарлауға, есептегі қорларды және негізгі құрал-жабдықтарды есеп бойынша және амортизацияны көрсетілмеуіне/дұрыс көрсетілмеуіне, айып төлеудi өндiрiп алу бойынша шаралар қабылдамауға және шарттық міндеттемелерді тиісінше орындамағаны үшін сотқа талап арызбен жүгінбеуге әкеп соққан Қазақстан Республикасының бюджет және өзге де заңнамасы нормаларының бұзылуына жол берілді.
Жүргізілген аудиторлық іс-шаралардың қорытындысы бойынша тәртіптік жауапкершілікке 11 лауазымды тұлға тартылды, 6,1 млн.теңге сомасына әкімшілік құқық бұзушылық туралы 40 хаттама жасалды.