Түркістан облысының білім басқармасының Сарыағаш ауданының білім бөліміне қарасты «№60 жалпы орта білім беретін мектебінде» жүргізілген аудиторлық тексеру нәтижесінде бірқатар заң бұзушылықтар мен рәсімдік кемшіліктер анықталды.
Аудит барысында мекеменің педагогикалық қызметкерлеріне еңбек жалақысын есептеу кезінде Қазақстан Республикасының 2015 жылғы 23 қарашадағы №414-V «Еңбек Кодексінің» 79-бабы 1-тармағы мен 103-бабы 1-тармағының және ҚР Үкіметінің 31.12.2015 жылғы №1193 қаулысының талаптарының сақталуы тексерілді.
2021 жылдың 1 қыркүйегінен 2023 жылдың 31 желтоқсанына дейінгі кезеңде еңбек ақыдан жалпы сомасы 3,06 млн теңге артық есептеліп, төленгені белгілі болды. Сонымен қатар, рәсімдік сипаттағы бұзушылықтар сомасы 2,7 млн теңгені құрады.
Қазақстан Республикасының «Мемлекеттік аудит және қаржылық бақылау туралы» 2015 жылғы 12 қарашадағы №392-V Заңының талаптарына сәйкес, 2024 жылғы 18 сәуірде №06-16/1859 нұсқама жіберілді. Оның негізінде артық төленген 3,06 млн теңгенің 2 млн теңгесі жергілікті бюджеттің 206109 шотына қайтарылды. Қалған 1,06 млн теңгені бюджетке қайтару бойынша қажетті шаралар қабылдануда.