Жария мүдделі ұйымдар жыл сайын есепті жылды келесі жылдың 31 тамызына дейін заңнамаға сәйкес бекітілген жылдық қаржылық есептілікті ұсынуға міндетті.
Қаржылық есептілік оны бекіту туралы шешіммен және аудиторлық есеппен бірге «Қаржылық есептілік депозитарийі» арнайы бағдарламалық қамтамасыз етуінің клиенттік бөлімі арқылы депозитарийге тапсырылуға дайындалады.
Осылайша, интернет қолданушысы әлемнің кез келген нүктесінен осы қаржылық есептілікті ала алады, оны зерттеп, салыстырып, қорытынды жасай алады: шын мәнінде ол халықаралық стандарттарға сәйкес жасалады ма, және қандай да бір компания барлық шаруашылық операцияларын толық ашып көрсетеді ме.
Бұл, жанама түрде, сыбайлас жемқорлықпен күресуге көмектеседі, сондай-ақ ел экономикасының ашықтығын және транспаренттілігін арттырады. Сонымен қатар, бұл ақпарат халықаралық рейтингтік компаниялар үшін де қажетті болатыны сөзсіз.
Алайда барлық қоғамдық мүддесі бар ұйымдар заңда белгіленген мерзімде жылдық қаржылық есептілікті тапсыру талабын орындамайды.
«Әкімшілік құқық бұзушылықтар туралы» Кодекстің 722-бабына сәйкес Қаржы министрлігінің органдары Кодекстің 239 және 250-баптарында көзделген әкімшілік құқық бұзушылықтар бойынша істерді қарастырады.