Қазақстан Республикасы Қаржы министрінің 2022 жылғы 28 қаңтардағы № 94 бұйрығымен бекітілген Жария мүдделі ұйымдардың депозитарийге қаржылық есептілікті тапсыру қағидаларында жария мүдделі ұйымдардың депозитарийге қаржылық есептілікті ұсыну тәртібі айқындалған.
«Ақпараттық есептеу орталығы» АҚ депозитарийіне қаржылық есептілікті уақтылы ұсынбағаны үшін заңды тұлғалар Қазақстан Республикасының Әкімшілік құқық бұзушылық туралы кодексіне сәйкес әкімшілік жауаптылыққа тартылады.
Жария мүдделі ұйымдардың электрондық депозитарийге жылдық қаржылық есептілікті уақтылы тапсырмауына байланысты Қостанай облысы бойынша Ішкі мемлекеттік аудит департаменті жария мүдделі 4 ұйымды әкімшілік жауапкершілікке тартты.
Сондай-ақ, аудиторлық есепті жылдық қаржылық есептілікке ұсынбаған 3 ұйым белгіленген мерзімде әкімшілік жауапкершілікке тартылды.
Салынған әкімшілік айыппұлдардың жалпы сомасы 1 015 300 теңгені құрады, толық көлемде төленді.
Осындай заң бұзушылықтарға жол бермеу мақсатында Департамент жария мүдделі ұйымдарға қолданыстағы заңнаманы тұрақты негізде сақтауды, сондай-ақ міндетті аудит жүргізу және қаржылық есептілікті тапсыру жөніндегі мәселелерді бақылауда ұстауды ұсынады.