2024 жылдың 9 айында Батыс Қазақстан облысы бойынша Ішкі мемлекеттік аудит департаменті 63 аудиторлық іс-шара өткізді. Нәтижесінде жалпы сомасы 8,98 млрд теңгеге бюджеттік және өзге де заңнаманы бұзушылықтар анықталды, оның ішінде 8,24 млрд теңге қаржылық бұзушылықтарға, ал 741 млн теңге рәсімдік бұзушылықтарға тиесілі.
Қалпына келтіруге, өтеуге және есепке алу бойынша көрсетілуге жататын жалпы сома 8,27 млрд теңгені құрады. Оның ішінде:
• 1,41 млрд теңге қалпына келтірілуі тиіс, оның 816 млн теңгесі тауарлар, жұмыстар және қызметтер арқылы қалпына келтірілді;
• 700 млн теңге бюджетке өтелуге жатады, оның 380 млн теңгесі қайтарылды;
• 6,13 млрд теңге есепке алу бойынша көрсетілуі тиіс, оның 6,12 млрд теңгесі көрсетілді;
• 28 млн теңге сәйкестендіруге жатады және олар толығымен сәйкестендірілді.
Қалпына келтірілмеген және өтелмеген сомалар бойынша қылмыстық, сот және талап-арыз жұмыстары жүргізілуде.
Мемлекеттік сатып алу туралы заңнаманы бұзу көлемі 758 млн теңгені құрады.
Бақылау іс-шаралары нәтижесінде анықталған бұзушылықтарды жою туралы 44 ұсыныс енгізілді, оның ішінде 42 ұсыныс белгіленген мерзімде орындалды.
Жіберілген бұзушылықтар үшін тексерілген объектілердің 48 қызметкері тәртіптік жауапкершілікке тартылды.
Камералдық бақылаумен 18 814 лоттың 18 511-і қамтылды. Оның нәтижесінде 2 309 хабарлама жіберіліп, 97-сі белгіленген мерзімнен кеш орындалған. Осыған байланысты 16 лауазымды тұлғаға қатысты әкімшілік құқық бұзушылық туралы кодекстің 462-бабының 3-бөлігіне сәйкес шаралар қолданылды.
Есепті кезеңде Департаменттің лауазымды тұлғалары жалпы сомасы 10,3 млн теңгеге 142 әкімшілік хаттама жасады, оның 9,7 млн теңгесі бюджетке өндірілді.
Батыс Қазақстан облысы бойынша Ішкі мемлекеттік аудит департаментінің
2024 жылдың 9 ай мерзімі іс-шараларының нәтижелері