Жетісу облысы бойынша ішкі мемлекеттік аудит департаменті 2024 жылдың 9 айының қорытындысы бойынша 64 аудиторлық іс-шара өткізді, оның 37-сі мемлекеттік мекемелерде, ал 27-сі квазимемлекеттік сектор субъектілерінде жүргізілді.
Анықталған бұзушылықтардың жалпы сомасы 9,4 млрд теңгені құрады, оның ішінде 5,6 млрд теңге – қаржылық бұзушылықтар, 3,8 млрд теңге – рәсімдік бұзушылықтар.
Анықталған қаржылық бұзушылықтардың жалпы сомасынан бюджетке 90,1 млн теңге өтелді, тауарларды жеткізу, жұмыстарды орындау және қызметтер көрсету жолымен 257,3 млн теңге қалпына келтірілді, сондай-ақ 4,9 млрд теңге есепте көрсетілді.
Мемлекеттік сатып алу туралы заңнамаға сәйкестігін тексеру нәтижелері бойынша жалпы сомасы 936,7 млн теңгеге 50 лот қамтылды, оның ішінде 49 лотта 930,8 млн теңгеге бұзушылықтар анықталды.
Анықталған бұзушылықтарды жою және оларды жасаған адамдардың жауапкершілігін қарау мақсатында аудит объектілеріне 62 нұсқама жіберілді.
Есепті кезеңде Департамент 3,5 млн теңге көлемінде бюджетке толық өндірілген сомамен әкімшілік жаза қолданып, 20 лауазымды адамды әкімшілік жауапкершілікке тартты.
Аудиторлық қызмет нәтижелері бойынша 50 лауазымды тұлға тәртіптік жауапкершілікке тартылды, оның ішінде 2 адам атқаратын лауазымынан босатылды.