Түркістан облысы бойынша ІМАД Түркістан қаласының көшелерін орташа жөндеуге арналған техникалық қадағалау қызметтерін сатып алу кезінде камералдық бақылау барысында бұзушылықтар анықтады. Бақылау №12814785-1 хабарландыру аясында жүргізіліп, Қазақстан Республикасы «Мемлекеттік аудит және қаржылық бақылау туралы» Заңының талаптарына сәйкес өткізілді.
Тексеру барысында «Экономика және қаржы бөлімі» ММ мемлекеттік сатып алу ережелерін бұзғаны анықталды. Атап айтқанда, мемлекеттік сатып алудың жылдық жоспарында сәйкестендіру коды, қызметтер номенклатурасы және оларды ұсыну шарттары секілді маңызды мәліметтер болмаған.
Департамент бұл бұзушылықтарды жою және сатып алу рәсімдерін белгіленген мерзімде заңнамаға сәйкестендіру туралы «Экономика және қаржы бөлімі» ММ-ге ресми хабарлама жіберді.
Тексеру нәтижесінде, мекеме жедел түрде қажетті шараларды қабылдап, анықталған кемшіліктерді жойды. Департамент мемлекеттік сатып алу саласындағы заңнаманы сақтаудың маңыздылығын атап өтіп, бұл Түркістан облысындағы бюджет қаражатының ашықтығы мен тиімділігін арттыруға ықпал ететінін көрсетеді.