Павлодар облысы бойынша ішкі мемлекеттік аудит департаменті ағымдағы жылдың 9 айында камералдық бақылауды қорытындылады. Жүргізілген тексерулер нәтижесінде анықталған бұзушылықтарды жою туралы 251 хабарлама жіберілді, оның ішінде 240 хабарлама орындалды, бұл жалпы санның 96%-ын құрайды.
Мемлекеттік сатып алуды ұйымдастырушылар тарапынан жиі кездесетін бұзушылықтардың бірі сатып алуды конкурстық тәсілмен заңсыз жүзеге асыру болып табылады. Мысал ретінде "Екібастұз қаласы әкімдігінің экономика және қаржы бөлімі" мемлекеттік мекемесінің "Павлодар облысы, Екібастұз ауданы, Құрылысшы ауылындағы медициналық пунктке сумен жабдықтау және электрмен жабдықтаудың сыртқы желілерін салу" объектісін техникалық қадағалауға сатып алу жөніндегі тексеруді келтіруге болады. Бақылау барысында аталған объект сараптама қорытындысына сәйкес сәулет, қала құрылысы және құрылыс қызметі саласында инжинирингтік қызметтерді жүзеге асыру құқығына аттестатты талап ететін техникалық жағынан күрделі емес II деңгейдегі жауапкершілік объектісіне жататыны анықталды. Алайда, сатып алуды ұйымдастырушы инжинирингтік қызметтерді орындауға қажетті рұқсаттың болуын қамтамасыз етпеді.
Тағы бір жағдай "Тереңкөл ауданының құрылыс, сәулет және қала құрылысы бөлімі" мемлекеттік мекемесінің "Павлодар облысы, Тереңкөл ауданының Калиновка ауылындағы ауылдық клубты күрделі жөндеу" нысанын техникалық қадағалау қызметтерін сатып алу жөніндегі камералдық бақылауына қатысты. Тексеру барысында ұйымдастырушы "Аманат Инжиниринг" ЖШС-не жүктелген 5% орнына 0,4% мөлшерінде шартты жеңілдікті заңсыз есептегені анықталды, бұл сатып алу нәтижелеріне әсер етті.
Барлық аудит объектілері бұзушылықтар туралы хабарлама алған кезде қолданыстағы ережелерге сәйкес камералдық бақылау талаптарын орындайды. Департамент Павлодар облысының аумағында мемлекеттік сатып алудың ашықтығы мен заңдылығын жақсарту бойынша жұмысты жалғастыруда.