Ағымдағы жылы Қостанай облысы бойынша Ішкі мемлекеттік аудит департаменті мемлекеттік сатып алу рәсімдерін бақылау жұмыстарын жалғастырып, камеральдық әдісті пайдаланды. Бұл әдіс объектілерге тікелей бармай-ақ аудит жүргізуге мүмкіндік береді. Бақылаудың бұл түрі веб-портал арқылы жүзеге асырылады, бұл процесті ашық әрі қолжетімді етеді.
Сегіз ай ішінде департамент мемлекеттік сатып алу рәсімдерін бұзушылықтарды жою жөнінде 31,8 млрд теңге көлемінде 1565 хабарлама жіберді. 1310 хабарлама бойынша, жалпы сомасы 25,8 млрд теңге болған сатып алу нәтижелері қайта қаралды. Бұл бюджет қаражаттарын жұмсаудағы жауапкершілік пен мұқияттылықтың жоғары деңгейін көрсетеді.
Конкурс рәсімдерін шағымдану аясында департаментке 1359 шағым түсті. Оларды қарастыру нәтижесінде 723 шағым толық немесе ішінара қанағаттандырылды, ал 636 шағымға қанағаттандырылмады. Сонымен қатар, Е-өтініш жүйесінде 808 шағым тіркеліп, олар мұқият қаралды.
Қазақстан Республикасының «Әкімшілік құқық бұзушылық туралы» Кодексіне сәйкес, есепті кезеңде 17,9 млн теңге көлемінде 298 әкімшілік хаттама толтырылды, оның ішінде 16,8 млн теңге бюджетке түсті. Қалған сомалар сот орындаушыларына мәжбүрлеп өндіріп алу үшін заңнамаға сәйкес тапсырылды.
Осылайша, Қостанай облысы Ішкі мемлекеттік аудит департаментінің мемлекеттік сатып алуларды бақылау саласындағы жұмысы бюджет қаражаттарын жұмсаудағы ашықтық пен заңдылықты қамтамасыз етуге бағытталған жоғары тиімділік көрсетті.