Ішкі мемлекеттік аудит комитеті тәуекелдерді басқару жүйесін қолдана отырып және электрондық мемлекеттік аудитті жүргізе отырып, Министрліктің ақпараттық жүйелеріне мониторинг жүргізу арқылы бюджет шығыстарындағы бұзушылықтар мен кемшіліктердің алдын алуға ерекше назар аударады.
Мемлекеттік мекемелердің әзірленген тәуекелдік төлемдер бейіні шеңберінде электрондық мемлекеттік аудитпен өтелуге және қалпына келтіруге жататын 26 млрд теңгеге қаржылық бұзушылықтар тіркелді.
Құрылыс саласында нақты орындалмаған жұмыс көлемі 11 млрд теңгеге қаржыландырылды.
Осылайша, құрылыс процесін және жұмыс кестесін бұза отырып, бюджет қаражатын тез игеру мақсатында құрылыс-монтаждау жұмыстарының орнына жабдықтар, кеңсе техникасы мен жиһаздарды сатып алуға жіберіледі, олар жауапты сақтау шарттарына сәйкес үшінші тұлғаларда (сатушы немесе дайындаушы зауыт) орналасады.
Ал нысанның өзі құрылыстың бастапқы кезеңінде. Бұл ретте, осы тауарларды таңбалаудың болмауына байланысты олардың бар екенін растау мүмкін болмады.
Жұмыстың кешіктірілуі жобалардың бюджетіне теріс әсер етеді және ұзақ мерзімді перспективада олардың қымбаттауына әкелуі мүмкін.
Сонымен қатар, орындалған жұмыстардың жалған актілері бойынша жеке төлем фактілері бар.
Активтерді сатып алу бойынша олардың толық төленбеуі және шарт бойынша жалпы соманың 15 млрд теңгеге сәйкес келмеуі анықталды.
Қабылданған ден қою шараларымен 39 мемлекеттік мекемеге анықталған бұзушылықтарды жою және оларға жол берген адамдардың жауапкершілігін қарау туралы нұсқамалар, сондай-ақ мемлекеттік аудит объектілерінің тиімділігін арттыру және қызметін жетілдіру үшін 52 ұсыным енгізілді.
Бұл бағыттағы жұмыс жалғасуда.