Жамбыл облысы бойынша Ішкі мемлекеттік аудит департаментінің 2023 жылғы аудиторлық іс-шараларының нәтижелері

Жамбыл облысы бойынша Ішкі мемлекеттік аудит департаменті тарапынан жүргізілген аудиторлық іс-шаралардың нәтижелері бойынша жалпы сомасы 13 640,2 млн.теңгеге 85 бұзушылықтар анықталды, оның ішінде: 3 007,9 млн.теңгеге қаржылық бұзушылықтар, 10 632,3 млн.теңге рәсімдік сипаттағы бұзушылықтар, оның ішінде: мемлекеттік сатып алу рәсімдерін өткізу кезінде 9 926,1 млн. теңге.           

Қаржылық бұзушылықтардың негізгі үлесі заңды және жеке тұлғалардың өтініштері бойынша тексеру барысында анықталды – 2 243,0 млн.теңге – 74,6%, Қазақстан Республикасы Қаржы министрлігінің Ішкі мемлекеттік аудит комитетінің нұсқауыбойынша – 514,3 млн.теңге – 17,1%, мемлекеттік аудит объектілерінің тізбесі бойынша – 250,6 млн.теңге,- 8,3%.           

Қаржылық бұзушылықтар бөлігінде бұзушылықтардың келесі түрлері анықталды:     

• орындалмаған жұмыстар, көрсетілмеген қызметтер және жеткізілмеген тауарлар үшін қаражатты төлеу – 1 219,6 млн.теңге;           
• сапасыз орындалған жұмыстарға-6,4 млн. теңге;           
• Қазақстан Республикасы Үкіметінің резервінен бөлінген қаржы жылы ішінде пайдаланылмаған ақшаны қайтаруды қамтамасыз етпеу – 48,2 млн.теңге;           
• жалақыны көтеруге республикалық бюджеттен бөлінген ағымдағы трансферт қаражатын мақсатсыз пайдалану – 20,9 млн.теңге;           
• бухгалтерлік есеп пен есептілік саласындағы бұзушылықтар – 989,6 млн.теңге;           
• жалақы, іссапар шығындары және басқа төлемдер бойынша бұзушылықтар – 136,3 млн.теңге;           
• мемлекеттік активтерді пайдаланудағы бұзушылықтар – 30,9 млн.теңге;           
• басқа да бұзушылықтар – 556,0 млн.теңге.