Батыс Қазақстан облысы бойынша ішкі мемлекеттік аудит департаментімен Қаратөбе ауданы әкімдігі Қаратөбе аудандық Ішкі саясат бөлімінің «Жастармен жұмыс жөніндегі ресурстық орталығы» КММ-де бюджет қаражатының бухгалтерия қызметкерлеріне еңбек ақы есептелуі мен төленуінің және жеткізушілермен өзара есеп айырысу негізділігі сұрағы бойынша аудит жүргізді.
Аудит қорытындысымен 01.01.2023 жылдан 31.12.2023 жыл аралығында Мекеме қызметкеріне 6 946,9 мың.тенге негізсіз ақшалай қаражат (еңбек ақы) аударылымдары анықталды.
Заңсыз төлемдер сомасының негізгі мөлшері кәсіпорынның бас есепшісіне тиесілі, ол 01.01.2023 жылдан 31.12.2023 жыл аралығында лауазымдық өкілеттігін асыра пайдаланып, еңбек ақы, іс-сапар шығындары түрінде өзінің карточкалық шотына жалпы сомасы 3 107,1 мың.тенге қаржыны аударған.
Бұл іс-әрекеттер өз кезегінде пайдакүнемдік мақсаттар үшін пайдаланған бас есепшіге ЭЦҚ (электрондық цифрлық қолтаңба) берген кәсіпорын басшылығы тарапынан бақылаусыздықтың салдары болып табылады.
Аудит 0орытындысымен, Қазақстан Республикасы мемлекеттік аудит туралы заңнамасына сәйкес Департамент анықталған бұзушылықтарды жою бойынша, оның ішінде аудиторлық іс-шара материалдарын процессуалды шешім қабылдау үшін құқық қорғау органдарына беру бойынша тиісті шаралар қабылданатын болады.