Департаментпен 2023 жылдың бірінші жартыжылдық қорытындысы бойынша әкімшілік құқық бұзушылық туралы 304 хаттама толтырылды. Салынған айыппұл сомасы 31 330 650,0 теңге, өндірілген айыппұл сомасы 30 511 275,0 теңге, немесе 97,4%.
234 хаттамасы Қазақстан Республикасы Әкімшілік құқық бұзушылық туралы Кодекстің (бұдан әрі – ӘҚБтК) 207-бабымен, (мемлекеттік сатып алу туралы заңнаманы бұзу);
59 хаттамасы ӘҚБтК-нің 238-бабы (бухгалтерлiк есеп пен қаржылық есептiлiк туралы заңнамасын бұзғаны үшін);
9 хаттамасы ӘҚБтК-нің 239-бабы (бухгалтерлiк есеп пен қаржылық есептiлiк туралы заңнамасын бұзу);
2 хаттамасы ӘҚБтК-нің 250-бабы (мiндеттi аудит жүргізуден жалтару).
Анықталған құқық бұзушылықтардың үштен бірінен астамы мемлекеттік сатып алу заңнамасы саласындағы құқық бұзушылықтар болып табылады, олардың ең көп тарағандары:
- Сандық жағынан өлшенбейтін және (немесе) әкімшілендірілмейтін кез келген талаптарды белгілеу не сатып алынатын тауарлардың, жұмыстардың, көрсетiлетiн қызметтердiң жекелеген әлеуеттi өнiм берушiлерге тиесiлiлігiн айқындайтын сипаттамаларына нұсқау жасау - бөлігінде (24 хаттама);
- Конкурстық баға ұсынысына әсер ететiн өлшемшарттарды қолданбау бөлiгiнде бұзу, сол сияқты оларды дұрыс есептемеу бөлігінде (23 хаттама);
- Әлеуетті өнім берушілерді немесе өнім берушілерді мемлекеттік сатып алуға жосықсыз қатысушылар деп тану туралы талап қойып сотқа жүгінбеуі немесе уақтылы жүгінбеуі- бөлігінде (66 хаттама);
-Қазақстан Республикасының мемлекеттiк сатып алу туралы заңнамасында көзделмеген жағдайларда, мемлекеттік сатып алу туралы шартты тікелей жасасу арқылы бір көзден алу тәсілімен мемлекеттiк сатып алуды жүзеге асыру - бөлігінде (70 хаттама) толтырылды.