Абай облысы бойынша ішкі мемлекеттік аудит департаментімен 2023 жылы жалпы саны 135 аудиторлық іс-шара өткізілді, оның ішінде:
– мемлекеттік аудит объектілерінің тізбесіне сәйкес - 13 аудит (9,6 %);
- жеке және заңды тұлғалардың өтініштері негізінде - 114 аудит (84,4%);
- Қазақстан Республикасы Президентінің және Қазақстан Республикасы Үкіметінің тапсырмалары бойынша -5 аудит (3,7%);
- бюджетті атқару жөніндегі орталық уәкілетті органның ақпараттық жүйелерінің деректерін мониторингтеу нәтижелері бойынша – 3 аудит (2,2%).
Аудит барысында жалпы сомасы 34,8 млрд. теңгенің бюджет қаражаты қамтылып, қорытындысы бойынша жалпы сомасы 14,6 млрд. теңгенің бұзушылықтары анықталды немесе жалпы қамтылған сома көлемінің 41,9%, оның ішінде қаржылық бұрамалаушылықтар үлесі 2,4 млрд. теңгені құрады.
Анықталған 2 427,6 млн. теңгенің қаржылық бұрмалаушылығының жалпы сомасынан өтелуге жататыны – 398,0 млн. теңге, қалпына келтіруге жататыны – 677,0 млн. теңге, есептіліктен көрсетуге жататыны – 1 352,5 млн. теңге.
Бүгінгі күні, қабылданған шаралармен өтеліп және қалпына келтірілгені 2 256,8 млн. теңге немесе 92,9%.
Аудиторлық іс-шаралардың нәтижелері бойынша анықталған бұзушылықтарды жоюға енгізілген ұсынымдар бойынша 116 лауазымды тұлға тәртіптік жауапкершілікке тартылып, сонымен қатар 76 тұлға әкімшілік құқық бұзушылықтарға жол бергені үшін 10,6 млн. теңгенің айыппұлына Қазақстан Республикасының «Әкімшілік құқық бұзушылық туралы» Кодексімен көзделген жауапкершілікке тартылды.