Батыс Қазақстан облысы бойынша ішкі мемлекеттік аудит департаменті өз құзіреті шегінде Қазақстан Республикасының мемлекеттік сатып алу туралы заңнамасының сақталуын бақылауды жүзеге асырады.
2020 жылдың 5 айында 191 лауазымды тұлғаларға 5 932,1 мың теңгеге әкімшілік хаттамалар толтырылса оның ішінде 178 хаттама немесе 93 пайызы мемлекеттік сатып алу заңнамаларын бұзушылықтар бойынша толтырылған.
Әкімшілік құқық бұзушылық туралы Кодекстің 207 бабы 11 тармағымен мемлекеттік сатып алу туралы шартты тікелей жасасу арқылы бір көзден алу тәсілімен мемлекеттiк сатып алуды жүзеге асыру, және жылдық жоспарында көзделмеген тауарларды, жұмыстарды, көрсетілетін қызметтерді сатып алу үшін 21 лауазымды тұлға, 207 бабы 13 тармағымен мемлекеттік сатып алудың жылдық жоспарын (мемлекеттік сатып алудың алдын ала жылдық жоспарын) немесе мемлекеттік сатып алудың жылдық жоспарына (мемлекеттік сатып алудың алдын ала жылдық жоспарына) енгізілген өзгерістерді және (немесе) толықтыруларды мемлекеттік сатып алу веб-порталында орналастырмау немесе уақтылы орналастырмағаны үшін 113 лауазымды тұлға жауапкершілікке тартылды.
Департамент өз тарапынан бұзушылықтардың алдын алу, болдырмау бағытында мемлекеттік сатып алуларды ұйымдастырушылармен, тапсырыс берушілерге түсінік жұмыстарын жүргізуде.