«Өскемен жоғары медициналық колледжі» ШЖҚ КМК-ға (бұдан әрі – Кәсіпорын) Қазақстан Республикасының бюджеттік және өзге де заңнамаларының сақталуы сұрақтары бойынша сәйкестік аудиті жүргізілді.
Аудит қорытындылары бойынша 30 197,3 мың теңгеге қаржылық бұзушылықтар анықталды, атап айтқанда, салықтарды, стипендияларды төлеу, жұмысшылардың жалақысын төлеу және жол жүру шығындарын өтеу кезінде қаражатты пайдалану бойынша республикалық бюджет пен жергілікті бюджет арасындағы өзара қарым-қатынас бөлігінде бюджетаралық қатынастардың бұзылуы орын алған.
Аудиторлық іс-шаралар барысында бұзушылықтар сомасы толығымен тиісті бюджетке өтелді.
Аудиторлық іс-шаралар қорытындысы бойынша Кәсіпорынға анықталған бұзушылықтарды жою және оларға жол берген тұлғалардың жауапкершілігін қарау туралы нұсқама жіберілді.
Нұсқаманы орындау аясында, Кәсіпорынның бас бухгалтері бұзушылықтар үшін сөгіс түріндегі тәртіптік жауапкершілікке тартылды.