Алматы облысы бойынша Ішкі мемлекеттік аудит департаменті Райымбек ауданының «Экономика және қаржы бөлімі» мемлекеттік мекемесінде Ауылдық елді мекендерге «Дипломмен ауылға» бағдарламасы бойынша кредиттер беру «Агроөнеркәсіптік кешенді және ауылдық аумақтарды дамытуды мемлекеттік реттеу туралы» 2005 жылғы 8 шілдедегі №66 Қазақстан Республикасы Заңының 18-бабы 8-тармағының талаптарына сәйкестік мәселесі бойынша аудит жүргізді.
Аудит нәтижелері бойынша НҚА талаптарына сәйкес келмейтін, атап айтқанда, бұрын жұмыс істеген қызметкерлерге кредиттер беру туралы сараптамалық қорытындылары бойынша жалпы сомасы - 1 484 484,2 мың теңгеге қаржылық бұзушылықтар анықталды.
Сондай-ақ, 2022 жылғы желтоқсандағы жағдай бойынша 415 қарыз алушыдан белгіленген мерзімде 34 497,4 мың теңге сомасында мемлекетке қайтарылмаған қарыз алушылардың қарыздары анықталды.
Аудит объектісінің атына анықталған бұзушылықтарды жоюға және оларға жол берген жауапты тұлғаларды қарау туралы нұсқама жіберілді.