Жетісу облысы бойынша ішкі мемлекеттік аудит департаменті Қазақстан Республикасының бухгалтерлік есеп және қаржылық есептілік туралы заңнамасын бұзғаны үшін қоғамдық мүдделі ұйымдардың (бұдан әрі – ҚМҰ) жауапкершілігін қарау бойынша жұмыс жүргізді. Атап айтқанда, қаржылық есептілікті табыс етуден бас тарту, белгіленген мерзімдерді бұза отырып табыс ету немесе оларды қаржылық есептілік депозитарийіне дәлелді себептерсіз ұсынбау, сондай-ақ міндетті аудит жүргізуден жалтару немесе оны жүргізуге кедергі жасау түрінде.
Барлығы 17 ҚМҰ әкімшілік жауапкершілікке тартылды:
оның 16-сы ӘҚБ кодексінің 239-бабына сәйкес «Қаржылық есептілікті ұсынбау немесе уақтылы ұсынбау» салынған айыппұл сомасы 4830,0 мың теңгені құрайды, 3105,0 мың теңге өндірілді:
Әкімшілік құқық бұзушылық туралы кодексінің 250-бабы «Міндетті аудит жүргізуден жалтару» бойынша 1 ұйымға 25,9 мың теңге айыппұл салынып, 25,9 мың теңге өндірілді.
Салынған айыппұлдың жалпы сомасы 4855,9 мың теңгені құрап, өндірілген 3130,9 мың тенге, орындалуы 64,5% құрады.