Қазақстан Республикасы Қаржы министрлігі Ішкі мемлекеттік аудит комитетінің Астана қаласы бойынша Ішкі мемлекеттік аудит департаменті жеке тұлғаның өтініші негізінде мұғалімдер қызметкерлердің еңбекақысын есептеу және төлеу кезінде Қазақстан Республикасының нормативтік құқықтық актілерінің талаптарын сақтау мәселелері туралы Астана қаласы әкімдігінің «Фариза Оңғарсынова атындағы №77 мектеп-гимназия» КММ-де (бұдан әрі – Мекеме) сәйкестік аудитін жүргізді.
Ішкі мемлекеттік аудит жалпы сомасы 1 246,6 мың теңге қаржылық бұзушылықтарды анықтады.
«Басшылар, мамандар және басқа да қызметшілер лауазымдарының біліктілік анықтамалығын бекіту туралы» Қазақстан Республикасы Еңбек және халықты әлеуметтік қорғау министрінің 2020 жылғы 30 желтоқсандағы № 553 бұйрығының 42-параграфтың 437-тармағын бұзу арқылы, тиісті білімі жоқ қызметкер лаборант лауазымына қабылданып, нәтижесінде 1 006,6 мың теңге мөлшерінде жалақыны артық төленуге жол берілген.
Сондай-ақ, нақты жұмыс істемеген уақыт үшін 240,0 мың теңге көлемінде негізсіз жалақы төленілген.
Тексеру қорытындысы бойынша, Мекемеге анықталған бұзушылықтарды жою және оларға жол берген тұлғалардың жауапкершілігін қарау туралы ұйғарым жолданды. Бүгінгі күні бюджет кірісіне 963,8 мың теңге өтеліп, 282,8 мың теңге қалдық сомасы 2023 жылғы 31 желтоқсанның соңына дейін бюджет кірісіне өтеледі.
Сонымен қатар, директордың әкімшілік-шаруашылық істері жөніндегі орынбасарына сөгіс түріндегі тәртіптік жаза қолданылды.