2022 жылы Орталық тарапынан жұмыссыз халықты қоғамдық жұмыспен қамтуды ұйымдастыруда 132 жұмыс берушімен «Еңбек KZ» порталы арқылы келісім шарт түзіліп, 866 жұмыссыз адам қоғамдық жұмыспен қамтылған.
2023 жылдың алты айында 98 жұмыс берушімен «Еңбек KZ» порталы арқылы келісім шарт түзіліп, 723 адам қоғамдық жұмыспен қамтылған.
Қоғамдық жұмыстарға қатынасқан адамдарға жалақы төлеуді жұмыспен қамту орталығы ай сайын жұмыс берушілер ұсынатын мәліметтердің негізінде жүргізеді және қоғамдық жұмыстарға қатысатын адамдардың екінші деңгейдегі банктерде ашылған ағымдағы (карточкалық) шоттарына ақшалай қаражатты аудару арқылы жүзеге асырылып отырады.
2022 жылы және 2023 жылдың 6 айында «Жұмыс берушілерден» жұмыссыздардың қоғамдық жұмыстарға қатысқаны туралы тапсырылған жұмыс табелінің ақы төлеу мерзімі сақталмай 8 (сегіз) жұмыссызға 233 361,0 теңгенің еңбек ақысы артық, негізсіз төленгені анықталды және жергілікті бюджет есебіне өндірілді.
Жұмыс беруші тарапынан жұмыссыздардың қоғамдық жұмысқа қатысу табелін жауапкершілікпен мерзімінде тапсырса тиісті еңбек ақыда мерзімінде төленіп, еңбек тәртібі сақталатыны анық.