Қазақстан Республикасы Қаржы министрлігі Ішкі мемлекеттік аудит комитетінің Павлодар облысы бойынша Ішкі мемлекеттік аудит департаменті ағымдағы жылы «Павлодар қаласының отбасылық үлгідегі балалар ауылы» КММ-де тексеріс жүргізді, нәтижесінде бас бухгалтер жүйелі түрде және ұзақ мерзімде өзінің жеке картасына бюджет қаражатын аударған, ал жымқырылған сомма 4,0 млн.теңгеден асып түсті. Жоқ тауарлар бойынша төлем жүргізіп, деректемелерде өзінің жеке банктік шоттарын көрсеткені анықталды.
Тексеру қорытындысы бойынша бас есепші қылмыстық жауапкершілікке тартылып, соттың заңды күшіне енген қаулысы негізінде екі жылға бас бостандығынан айырылды.
Дәл осындай бұзушылық «Балдәурен» КММ-де анықталды. Аудит қорытындылары нәтижесінде тап солай жоқ тауарлар үшін төлем жүргізіліп, бас бухгалтер деректемелерде өзінің жеке банктік шоттарын көрсетіп, жеке карточкасына 8,0 млн. тенге шамасында бюджет қаражатын аударып алған.
Нәтижесінде бас бухгалтер қылмыстық жауапкершілікке тартылып, соттың қаулысы негізінде үш жылға бас бостандығынан айырылу жазасы тағайындалды.