Шығыс Қазақстан облысы бойынша Ішкі мемлекеттік аудит департаменті, 2023 жылға арналған мемлекеттік аудит объектілерінің тізбесіне сәйкес, «Алтай ауданының сәулет, қала құрылысы және құрылыс бөлімі» ММ-де 2021 жылғы 01 шілдеден бастап 2022 жылғы 31 желтоқсанға дейінгі кезеңде бюджет қаражаты мен мемлекет активтерін Қазақстан Республикасының Бюджет және өзге де заңнамасына сәйкес пайдалану мәселесі бойынша сәйкестік аудитін жүргізді.
Аудиторлық іс-шараның қорытындысы бойынша жалпы сомасы 536,4 мың теңгеге еңбекақыны, сыйлықақыларды және іссапар шығыстарын негізсіз төлеу бөлігінде қаржылық бұзушылықтар анықталды.
Бұдан басқа, құрылыс-монтаж жұмыстарын жүргізу кезінде сәулет, қала құрылысы және құрылыс қызметі туралы заңнаманы бұзу, бюджеттік бағдарламада көзделген нәтижелер көрсеткіштеріне қол жеткізбеуге әкеп соққан нысаналы трансферттерді тиімсіз жоспарлау және пайдалану анықталды.
Аудит объектісі 536,4 мың теңге сомасына қаржылық бұзушылықтарды жойды.
Жіберілген бұзушылықтар үшін Мекеменің бас маман -бухгалтері тәртіптік жауапкершілікке тартылды.