Ағымдағы жылдың 8 (сегіз) айында Батыс Қазақстан облысы бойынша Ішкі мемлекеттік аудит департаменті тәуекел бейіндерін негізге ала отырып, 15 307 мемлекеттік сатып алуларға (лоттар) камералдық бақылаумен қамтылды.
Камералдық бақылау нәтижелерімен 19,0 млрд.теңге сомасында анықталған бұзушылықтарды жою туралы аудит нысандарына 2656 хабарлама жолданды.
Камералдық бақылаудың мақсаты бұзушылықтардың уақтылы жолын кесу және жол бермеу, камералдық бақылау нәтижелері бойынша анықталған бұзушылықтарды өз бетінше жою құқығын мемлекеттік аудит объектісін беру және мемлекеттік аудит объектілеріне әкімшілік жүктемені төмендету болып табылады.
Анықталған бұзушылықтарды мемлекеттік аудит объектісі дербес жойған кезінде, лауазымды тұлға әкімшілік жауаптылыққа тартылуға жатпайды.
Бірақ бұл ретте, хабарламаны орындамау Қазақстан Республикасы ӘҚБтК-нің 462-бабының 3-бөлігімен көзделген әкімшілік жауапкершілікке әкеп соғатынын ескеру қажет.
Нақты айтқанда тапсырыс берушілер/ұйымдастырушылар келесі бұзушылықтарға жол береді, олар: әлеуетті өнім берушілердің қатысуын шектейтін негізсіз біліктілік талаптарын белгілеу, мемлекеттік сатып алуды жариялау кезінде техникалық ерекшелікте ұлттық стандарттардың болмауы, конкурстық комиссияның әлеуетті өнім берушілердің конкурстық/аукциондық өтінімдерін қабылдауы немесе қабылдамау туралы шешімді негізсіз қабылдаулары болып табылады.