Астана қаласы бойынша Ішкі мемлекеттік аудит департаментімен "Қазтехнологиялар" Акционерлік қоғамында (бұдан әрі – Қоғам) Қоғамның "Кәдеге жарату орталығы" Филиалының (бұдан әрі - Филиал) бұрынғы бас бухгалтеріне жалақы есептеу және төлеу кезінде заңнаманы сақтау мәселесі бойынша сәйкестік аудиті жүргізілді.
Аудитпен Қазақстан Республикасы Еңбек кодексінің және еңбекке ақы төлеудің ішкі ережелерінің талаптарын бұза отырып, 2016 жылдан бастап 2022 жылға дейінгі кезеңде Филиалдың бұрынғы бас бухгалтері өзінің карт-шотына ақша қаражатты аудару жолымен 67 млн. теңгеден астам қаржыны ұрлағаны анықталды.
Аудит материалдары тиісті аудиторлық дәлелдемелерімен құқықтық баға беру және процессуалдық шешім қабылдау үшін Филиалдың орналасқан жері бойынша Алматы қаласының Прокуратурасына жіберілді.