2023 жылы 2,0 млрд теңгеге шоғырландырылған қаржылық есептілікті қамти отырып, «ШҚО мәдениет басқармасы» ММ-де 2022 жылға арналған қаржылық есептілік аудиті бойынша іс-шаралар аяқталды.
Нәтижесінде мемлекеттік органдар қызметіндегі бірқатар жүйелік олқылықтар анықталды, олар жалпы басқарманың да, ведомстволық бағынысты мекемелердің де шоғырландырылған қаржылық есептілігінің бұрмалануына әкеп соғады.
Анықталған ауытқулар мен қателіктердің жалпы сомасы 1088,3 млн.теңгені, сондай-ақ рәсімдік сипаттағы бұзушылықтар 62,1 млн. теңгені құрады, оның ішінде 1088,3 млн. теңгесі есепке алу бойынша сәйкес келтіруге жатады. Басқарма және оның ведомстволық бағынысты мекемелері шоғырландырылған қаржылық есептілікті бұрмалауға әкеп соққан анықталған дебиторлық/кредиторлық берешектерді қоспағанда, шоғырландырылған қаржылық есептілікті (негізгі құралдар, қорлар, материалдық емес активтер) бекіткенге дейін бухгалтерлік есепте және өзінің қаржылық есептілігінде анықталған ауытқуларды жою және түзету жөнінде шаралар қабылдады, бұл 86,25 мың теңге айыппұлмен Басқарма қызметкерінің әкімшілік жауаптылығына әкеп соқтырды.
Осылайша, қаржылық есептілікті бекіту сәтіне дейін оларды анықтау және жою арқылы қаржылық бұзушылықтардың уақтылы және жедел алдын алу қамтамасыз етілді, бұл Бухгалтерлік есептегі қателер мен бұрмалануларды уақтылы жоюға ықпал етеді және мемлекеттік аудитті енгізу тұжырымдамасымен регламенттелген алдын алу қағидаттарына сәйкес келеді.
Басқарманың ішкі бақылау жүйесін күшейту, қаржы қызметінің қызметкерлері үшін бухгалтерлік есеп және қаржылық есептілікті жасау саласындағы біліктілікті арттыруды ұйымдастыру, заңнама талаптарының сақталуын қамтамасыз ету мақсатында қаржылық есептіліктің мемлекеттік аудитінің қорытындыларын қарау жөнінде шаралар қабылдау және есептің қайта бұзылуына әкеп соқпау туралы ұсынымдар жіберілді.