Шығыс Қазақстан облысы бойынша ішкі мемлекеттік аудит департаментімен (бұдан әрі-Департамент) 2023 жылдың 2 тоқсанында мемлекеттік аудит объектілерінің тізбесі бойынша Шығыс Қазақстан облысы Алтай ауданының 6 мемлекеттік мекемесінде аудит жүргізілді, жалпы 1 217 425,9 мың теңге сомасына бюджет қаражаты қамтылды.
Аудиторлық іс-шаралардың қорытындысымен мемлекеттік сатып алу туралы шарттар бойынша орындалмаған жұмыс көлемі, жалақыны, сыйақыларды, іссапар шығыстарын негізсіз төлеу, ЖЖМ және мекеменің бухгалтерлік есебі бойынша күрделі шығындар сомасын есептен шығару түріндегі 425 126,4 мың теңге сомасына қаржылық бұзушылықтар анықталды.
Департамент анықталған бұзушылықтарды жоюға және жауапты адамдардың жауапкершілігін қарау туралы тиісті нұсқамалар жіберді.
Бүгінгі күні Департамент қабылдаған ден қою шараларымен қаржылық бұзушылықтар толық көлемде жойылды, жіберілген бұзушылықтар үшін аудит объектілерінің лауазымды адамдары тәртіптік және әкімшілік тәртіппен жауапқа тартылды.